دارميات تووووووووووووووووووووووووووب لعيونكم

السلام عليكم حبايبي اليوم جبتلكم دارميات روعة اتمنى تنال اعجابكم واذا عجبتكم

لاتنسونا بالرد مع جزل الشكر......

لملم غراضه وراح كلبي ولحكته

من كلي رايح ليك عفته وعذرته

روحي ابتلت بهواك ... يمدلل ارحم
سرها انفضح للناس ... لتضنة ينضم

من روحي تطلع روح...تطلع وردهة
السبــب من فركاك...ظـلت وحدهة
**********
رفت عليــك العيـن...وانته بجفنها:
وخل تعمة بس تلكاك...وانته اغله منها
**********
رفت عليــك العيـن...زايد بجيها
تلفت ترة بفركــاك...يمته تجيها

شفت الكلب مذبوح والحربة بيدك
لاماكلت كتال صحت انــة اريدك

امطر لك اسبوعين لو بس تجي ابطيف

ولو من صدك مريت امطر شته وصيف

سلاني سل فركاك يابعد هل روح
اخذ الكلب وياك بس طيب اللجروح

انة الاخذت الروح والكلب عندي
شتظن اطيب اجروح يابعد جبدي

لو كعدت الشمات بيني لبينك

تتكلم بلغمزات عيني اوية عينك

للخوه مخلص دوم ما بدل الراي
افدي الجسد والروح للينصح وياي

يلگت مخلص دوم للخوه حياك
فدوه الجسد والروح وانطيني يمناك

مصوب غزتني إجلاب وعيوني تدمع

صحت الصديج الزين ماجنه يسمع

من نزل دمعي إعليك بخدودي كشّّط

يحرم شراب الماي لو ديره للشط

نتبارى انه وياك ياهو اكثر دموع

كل عمرك انت الفات وي دمعي بسبوع

ها روحي نص الليل ها شوكعدتي
حكج مالوم عليج لنج ذكرتي

ثق ما يلوك عليك خي لبس الالوان
هم اسمعت جاكوج فارك السندان

تنشدني عن اهواك .........هو اته اعرفه
هوايه التمر حلوين............زفه اعله زفه

فقال للشارع موضحا

يا درب وصف اهواي.......كمره ابوسط ليل
والجسم غصن البان.........وي الهوه ايميل

فرد عليه الشارع قائلا

مر بي وصف اهواك.......بس خلهه سكته
ايد الحضنهه ابشوك.......مو ايدك انته

بروحي بس هالخيط شتعت منه

افرض كطعته اليوم تضمن الجنه

واخير هاكم هذا الدارمي الخنفوشي

من يمي لو مريت ياحلو الاطباع

من الكاع اشيل الكاع واركعها بالكاع

ابو غادة

مشكوووووووووووووور حبي وعاشت ايدك وربي ذووووووووق