ملاك الكون
ياأعز وأغلى من على الكون موجود,,,,,يامن لروحي كل شئ تراها
ياشمع عمري ينطفي كل موقود,,,,,الا شموعك هي لروحي ضياها
لا جيت أعد كل باقي ومفقود,,,,,أو كل حاضر صعب يرقا غلاها
الكل يشهد والجوارح لها شهود,,,,,الشاهد الله ماالقى سواها
محد حملني تحت قلبه بلا حدود,,,,,تسعه أشهر وكانت أكبر عناها
من مثلها أمي ريحه المسك والعود,,,,,والكادي اللي غار ساعه لقاها
دنياي والله مالها أي مردود,,,,,الكون كله مايسوى رضاها
أمي ملاكي نورها يجلي السود,,,,,مثل الهدب للعينلحظه غفاها
أمي سما مستحمله برق ورعود,,,,,,أم النجوم أخت القمر في سناها
أمي حناني منبع الحب والجود,,,,,أمي دواء روحي وبلسم شفاها
يمه فديتك الدعاء منك مقصود,,,,,,بيدينك الجنه وقصدي أطاها
ادعي وزيدي بالدعاء خير معبود,,,,,قلبي فدى أرض وطيتي ثراها
اسأل من الله يحفظك عهد وعهود,,,,,,طول الزمن تبقي لروحي دفاها............. ramy