عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه
الك اجمل مسج ابعث ورقها
حبرها ادموعي وجروحي ورقها
يلمسبب سهر عيني وارقها
عزيز وشوفتك صعبت علية
قضيه اسمي على اسمك ماشخطنا
ازدحام احنى على دربك ماشي خطنه
شتظن من كد جمالك ما شخطنا
اليشوفك ينشخط ميه بالميه
ابكد الموت احبنك وريدك
او عسى يسمر دخل دمي وريدك
حياتي او موتي يمدلل وريدك
تموت اتكلي اموت اوهاي هيه
أحبك من صغر سنك وي أهلك
اليحبك ليش يتعذب ويهلك
اغار عليك من تحجي وي هلك
أذا ويه الغريب أشلون بيه
ثكيل وزهك التمثال صمتك
ورمضان وعلي مكتوب صمتك
ماندري شيحمل ياحلو صمتك
بيه الدوه مادري الداي اليه
ذكرك مانسيته بليل وانهار
وجرت من دموعي بحور وانهار
من كثر نوحي دليلي انعاب وانهار
على فراكك يروح الروح ليه
الخميس مارس 15, 2007 2:24 pm
