دارمي لول توب

رمش ولو ترميش واذكرنه فد يوم
يامن حرمت العين من لذة النوم



ليش النحب ملكاه يكثر دلاله
ويبخل علينه شبيه حتى برساله


ليش انته دوم وياي ما عندك انصاف
كلبك صخر جلمود من الله متخاف


من عندي اخذ مرخوص يا ولفي شتريد
ومنك ردت وانخاك فد بوسة بالعيد

ثق واعتقد اهواك ما اهوى غيرك
وبعشرتك وياي انته وضميرك


كل يوم اكول اليوم باجر يمرون
ومن كثر دمعي السال ماضلت عيون

لعب الطفل بالطير صرت آنه بيدك
كل هذا والدلال يصرخ اريــــــــدك


باخر نفس مخنوگ واتمنى اشوفك....
. وأعذرني بس الموت يجبرني أعوفك



الخوة منبع طيب و انتة من اهلهة.
... و اليزرع الطيبات يحصد مثلهة


سمره وعليها أعيون مثل الغزاله
والركبه غصن البان يلمع هلاله

يالشاتل العودين خضر فرد عود
لا بالذهب ينباع ولا منه موجود

يمتى الغيوم تزول عن سما بلادي
وآخذ نفس وارتاح وانزع سوادي

افرش حزن بليل وتوسد اهموم
وتغطه بلوعات هم احد يلوم

خليني يمك حطب من تبرد أشعل نار .
. وبالصيف قالب ثلج لو صار مايك حار


ابو غادة

شكرا للاخ ابو غاده على المشاركه الحلوه 000 هناك مداخله صغيره ارجوا الانتباه على الاملاء حتى يوصل الى المشارك او المتصفح بصوره جيده00000 اخوك ابو الوفه